شفــــت الحزن بعينها؟

بسم الله الرحمن الرحيم
.........................

شفت الحزن بعينها....؟
قلت الوداع.... وجاوبت دمعة العين
تجرح.... بساتين الخدود... النديه
واغضت..وشفت بعينها الحزن..حزنين
وصاحت ..على الفرقا ...انا مو قويه
وجاوبتها....ارجوك ..تكفين.. تكفين
واللللللله دمعك....يشعل النار...فيّه
وقالت ...تعاهدني..عهاد المحبين
الله يخون... اللي يخون ...بخويّه
قلت ابشري...واللي خلقك لاتظنين
حرااااام...ماغيرك...عشقت ..آدميه
وقصّت شعرها...قلت انا..وش تسوين
قالت ابي ..من غرتي....لك هديه
ونادتني الغربه...على الهم والبين
احسّب الأيااااام... روحه... وجيّه
وفي كل ليله...ترتسم بين رمشين
خيالها...بين الرموش... الشقيه
غربة سنه...في ذمتي غربة سنين
متى على الله.. يلتقي الحي... حيه
خلاص...هانت...مابقى غير يومين
خلالالالاص ... قفّت..غربةٍ جرهديه
ورجعت....شوقي في خفوقي... براكين
ورجعت انا... كلي لها....جاذبيه
وسألت ما ردّوا...وانا اصيح هي..وين !!!
وكلٍ نثر... من داخل العين... مَيّه
وفي معمعة حزني...تلقيت رمحين
قالوا توفت ..غافلتها ...المنيه
وفي غرغرتها...ماذكرت...غيرحرفين
تشهدت بسمك... شفاه البنيه
وتزاحمت في داخلي...ألف سكين
والحزن..يطويني ثمانين....طيّه
صدمه..وجابتني علىالارض..نصفين
وشلون راحت دون... ذنب وخطيه
تكفون....دلوني علىالقبر..هالحين
ماعااااد فيني للصبر....مقدريه
ووقفت اطالع قبرها...بين نصبين
وجلست..اضم اغلى النصايب عليّه
واصيح....وش بك يا غلا.. ما تردين
اشتقت.. همس..إشفاهك...النرجسيه
وش فيك...جيت من السفر...ما تهلين
ماهي بلك عاده....ولا انتي... رديه
وحاولت في لحظة جنون...اجرح الدين
وازيح تربة قبرها....في يديّه
وبالغصب شالوني...حشا تقل مسكين
واصرخ بهم...والله...والللللله حيّه
اقفت...وتاهت بي جميع..العناوين
والحزن يلعب...داخلي ....سامريه
ورجعت لدروب الشقا.. قبل عامين
مدري من اللي صار.. فينا ضحيه

نقل لكم ومن أجلكم

و الله قصيده رووعه ..

الله لا يفرق حبايبنا عنااا ..

مشكوره ..

يسلمو على القصيدة الحلووو

وعلى قولتك يا اميرة الله لا يفرقنا ن حبايبنا

يسلمووووووووو على المرور الحلو

يسلمــــــــــــــو على القصيــــــــدهـ

خيتـــــــــــــو

يعطيك العافية يارب

لك ودي

يسلمووووووووو غلاتي القصيده روعه

والله لايفرقنا عن حبايبنا على قولت أموره

يسلمو على المرور