غرام أحباب .......................... حامد زيد

سلام

هذه من أحلى قصائد حامد زيد بالنسبة لية

وإنشاء الله تعجبكم

يلا نبدأ:

[size=25]غرام أحباب

على ذاك الطريق اللي يسمونه غرام أحباب
وطت رجلي على دربه ولا أدري وش نوى فيني

تبعته لآخر دروبه إلين ان القمر قد غاب
تعب قلبي ولا تعبت مسافات توديني

لقيت الليله الجردى هدب ظل وسماء وأعشاب
بعد ذاك الظلام اللي يتوهني عناويني

صدفتك معجبه فيني وياليت الغرام أعجاب
وتراك أنت الغرام اللي هقيتك تستحقيني

عطيتك عشق من قلبي وسلمت لغلاك أرقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب
وترى كل العيون اللي لقتني ما تكفيني

رماني حظي العاثر عليك وجيت لك طلاب
ولا انتي اللي عشقتيني ولا انتي اللي عتقتيني

تعالي وارحمي ذاك الخفوق المولع المرتاب
ماهوب لأجلي عشان الله يجازيك ويجازيني

تعدي في سماء عشقي ولو عشقي خراب أصحاب
وصوني بالهوى نفسك قبل لأنتي تصونيني

وشيليني على متنك خفوق باري منصاب
ومن فوق الغرام العذب شيليني وحطيني

ولامنك هقيتيني شجاع ولا يطيق أيهاب
انا لك بالهوى والله مثل لأنتي هقيتيني

أنا ما امشي ورى غيرك ولو أنه يطق الباب
وترى عيب علي أطعن ولو كثرت سكاكيني

زهود ما يطيق الدم لا داين ولا طلاب
شجاع وعارف نفسي واظن انك تعرفيني

غيور ما عرفت اضحك مع الغدر ببرود أعصاب
أبيع عيوني الثنتين قبل أنك تخونيني

وإذا شد الغرام أحط قلبي بين ناب وناب
لفرقى تكسر ضلوعي ولا عشق يوطيني

أنا رجل ولي غيره وإذا شفت الهوى كذاب
تثور بقلبي الفزعة ولا تهدى شياطيني

سؤالك لو يزعزع بي كياني ما قبلت عتاب
أجيلك وأسألك نفس السؤال اللي سألتيني

عن العشق القديم أبواب وتقفيها كثير ابواب
بعد ذاك الحبيب اللي خدعني وأنخدع فيني

أبي عشق تحسب له كل نظرات العيون حساب
ٍوأبي قلب على قلبي وأبي دين على ديني

وأبي كلمة عهد توفي ولا تخلف بدون أسباب
وأبي منك قبل انك تصديني توديني

وأبي درب على العذال صعب ومتعب وغلاب
وأبي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعة لغيرك لو تركتيني

أنا أول من عرف قدرك وأنا توي صغير وشاب
وأبي منك ما دام أنك عرفتيني تحبيني

مادام اني لقيتك في طريق اسمه غرام احباب
دخيل الله وبعد الله دخيلك لا تخليني

مادام ان كل من يحيى على وجه التراب تراب
عسى تنساني الدنيا مادام انتي ذكرتيني [/size]

أنتظر ردودكم

تحياتي

يسلموو

دلوعهـ وكلمتها مسموعهـ

رائع جدا

يعطيك العافية يارب

دمتي بخير