قسم بالله ما تسوين شعره مـن رمـش عينـي

قــصيده عجبتني وحبيت انقلها لكم

ان شالله تعجبكم


كتبت الشعر مو لجلك ولكن فـاض بـي بركـان
واما انتي فلا تسوين قصيـده فـي نظـر عينـي
حلفتي لي تصونينـي إذا صـار الزمـن خـوان
وأول ما عثـر حظـي علـى دربـك خذلتينـي
كسر رمح الزمن صدري وجيتك اشتكي حيـران
نزعتي الرمح من صدري وفي ظهري طعنتينـي
خسااااره كييف حبيتك؟؟! نعـم والله انـا ندمـان
غبـي أدري نعـم ادري مـا دام انـك سكنتينـي
سنـه مـن عمـري وانـا فـي لعبتـك غرقـان
أشيل الشوك من دربك وجرحـي كـان يدمينـي
وكنت أبكي إذا تبكي وأكـون لبسمتـك فرحـان
وكنت اقرب من رموشـك لعينـك يـوم تبغينـي
عرفتك للآسف صحراء وحولتـك إلـى بستـان
وشلتيني غصن أخضر وفي صخـرك زرعتينـي
حفرتك داخلي وظني تصونـي عشرتـي أزمـان
وكنت أحفر قبر موتي علـى ساحـل شرايينـي
على كف الشقا نامت جروحـي والألـم سهـران
يحطمني .. يبعثرني .. وفي صحـراك يرمينـي
ولكن عزتـي تفـرض أكـون بدنيتـي سلطـان
وإن ظنك أجي أركع لرجلـك... مـا عرفتينـي
انا ما عادتي اشحذ من أمثالـك رضـا وإحسـان
امـوت بعزتـي ارحـم ولا ذلــك يغطيـنـي
وما دام الوفا عنـدك يـدور لـه علـى عنـوان
بدور لي علـى قلـب يصـون الحـب وسنينـي
ولو قلبـي رجـع حَبـك بولـع فيـه بالنيـران
وبكسرهـا أنـا رجلـي إذا صوبـك توديـنـي
ولو دار الزمن ضدك وجيتـي تطلبـي الغفـران
وجبتي الشمس فـي كفـك لعندي..مـا بتلقينـي
تقول الناس في وصفك:جميله مثـل عـود البـان
وإنك أجمل وأحلى بشـر مخلـوق مـن طينـي
وإنك غاليـة وأثمـن مـن الياقـوت والمرجـان
تقوم أكـوان مـن أجلـك وتقعـد لـك بلادينـي
حسافه غرهم شكلـك ويـا مـا تخـدع الألـوان
عموماً .. بقت كلمة أخيرة لك على قلبي وسمعيني
إذا كنتي بنظر غيري ملاك علـى هيئـة إنسـان
قسم بالله ما تسوين شعره مـن رمـش عينـي
وســــــــــــــلامتكم ..

يسلموو




سلمت انمالك على النقــــل




رائعـــــة غاليتي





دمتي بود

مشكوووووووووووورة عنوني ع مرورك