قسـم بالله ماحبيـت غيـرك يـا حــلال الـقـوم

بـدون مـقـدمـاتـ

قـصـيـدهـ رائـعـه لـشـاعـرهـا الـمـبـدع ((بـنـدر بـن نـايـف الـعـتـيـبـي))

واتـمـنـى تـنـالـ اعـجـابـكـم قـد مـا أعـجـبـتـنـي

/

*

\

عفا الله عن خطـا المخطـي والا ياحبـي المرحـوم
دفنـت اخـر بقايـاك وبـقـى حلـمـي وعّـذالـه

*

صدف!واقسى مواعيد الصدف يـوم اللقـا المحتـوم
تواجهنـا علـى فـال الصـدف والحـب يرثـالـه

*

انا ماجيت ابي شوفك .. انا جيـت الحفـل معـزوم
ولا ادريبـك قبـل..الا بعـد مـا ضجّـت الصّالـه

*

وشفت الناس في دهشه امـام المدخـل المزحـوم !
ودريـت انـك وصلتـي ياشقـا قلبـي وغربـالـه

*

تذكرتك بعد رحتـي وانـا فـي موقـف المهـزوم !
اناوشلـون اسامـح مـن جرحنـي واجلـس قبالـه

*

تذكرتـك .. تذكـرت السنيـن ورغبـة المـحـروم
تذكّـرت الغـرام الـلـي سعينـابـه .. سعينـالـه

*

تسامرنـا علـى ضـو القمـر ليلـة دفـا ونـجـوم
على هـاك البحـر نرسـم مشاعرنـا علـى جالـه

*

تقاسمنا الولـه يمكـن .. تعاطينـا الغـلا الموهـوم
ورديّنـا الخبـر عـن عاشقيـن قـلـوب رحّـالـه

*

تسابقنا على ضـم الهـوى .. واثـر الكـلام حلـوم
تقوليـن الوفـا فالـه .. واقـول الصـدق مدهالـه

*

غـلاك علـوم يابنـت الغـلا واللـي وراك علـوم
وانا شاعـر واحـس بكـل رعشـة رمـش ختّالـه

*

قربتي .. مادريت انـك قربتـي ليـن طـار النـوم
وقلت ان السهـر عنـدك بخيـل ٍ شـح فـي مالـه

*

عشقتـك مادريـت انـي عشقتـك ليـن زاد اللـوم
عليّـه مـن جـروح ٍ جــات رجلـيّـه وخيّـالـه

*

تعـذرت لخفوقـي مـن زمانـه والغـرام سـهـوم
تـرى بـه خافـق ٍ همّـه مثـل همّـي ولا قـالـه

*

وترى بـه عاشـقٍ غيـري لياضاقـت عليـه يهـوم
وبعض هالناس لوتدري جفـاه اريـح مـن وصالـه

*

وكم من عاشق ٍ مثل الجمـل صبـره قـوي عـزوم
بـرك للحمـل لكنّـه نهـض والحـمـل ماشـالـه

*

وانـا عشقـي علـى حـد النقـا والا النقـا معـدوم
انا عشقـي علـى حـد الشقـا .. والا الشقـا فالـه

*

صدفت الحب في دربي وانـا فـي سكّتـي مهمـوم
وقلـت ان البخـت جانـي وهـذي اجمـل رسالـه

*

وفيت .. ولا لقيت الا طيـور ٍ فـي سمـاي تحـوم
علامـات الفـراق اللـي يعيـش الـهـم بظـلالـه

*

كسرت لجانب العشره عصـاي وقلـت انـا محكـوم
اجـل وش جـاب لـي عقـل ٍ يهددنـي بسؤالـه .؟

*

متى تصحى .؟ متى تفهم .؟ متى تدري عن المكتوم .؟
متى تقرا خبـر مـوت الغـرام وتنهـي جدالـه .؟

*

تماكنت الغـلا .. لكـن لحقنـي مـن جفـاك غيـوم
وهقيت ان المطـر شـوق السحـاب لقـاع مختالـه

*

كذبـت وكانـت الكذبـه خيـال الشاعرالمـزعـوم
يغنـي كـل ماضـاقـت علـيـه الارض مـوّالـه

*

قطفـت آخـر عناقيـد الخيـال ولابقـى مطـعـوم
وأظـن انـي غديـت اللـي بغـى شـيٍ ولا طالـه

*

وانا من يـوم مامـات الوفـا عنـدك الـى هاليـوم!
يصد القلب عن طـاري هـواك .. ويطـوي حبالـه

*

تحديني على وصلـك .. واحـدك للجفـا المحتـوم
وتقوليـن الغـلا باقـي واقـول افراقنـا اشـوالـه

*

جفاك الزم وانا مانـي علـى بعـض الوفـا ملـزوم
اذا كـان الـوفـا يجـمـع مجانيـنـه وعقّـالـه !

*

اذا كنتـي بـلا مبـدأ انـا لـي فالحـيـاه سـلـوم
واذا كـان الجفـا عمّـك انـا عمّـه وانـا خـالـه

*

واذا كان الجمـال اللـي عطـاك الله غثـا وهمـوم
اجـل لابـوك لابـو حسنـك المغـرور واشكـالـه

*

ترى ماضاقـت النفـس العزيـزه مـن ردا مقسـوم
ولكنّـي رفضـت اسكـت وهزالصمـت فنجـالـه

*

وانا وان جات للخافـق تـرى بيـن القلـوب قـروم
إلامنـه رحـل .. يرحـل ولاتطريـن فـي بـالـه

*

تركـت الحـب لاظالـم.. ولاسالـم.. ولامظـلـوم
وتركـت الشـوق لأشبـاه الغـرام وبعـض جهّالـه

*

وبعد كـل العـذاب اللـي مشابـي دربـه المشئـوم
ابعلنهـا بعـد غبتـي .. وكـلٍ راح فــي حـالـه

*

قسـم بالله ماحبيـت غيـرك يـا حــلال الـقـوم
وهذي غلطت ٍ تحسـب علـى الشاطـر مـن هبالـه

* * * *

ولـكـم مـنـي صـادقـ الـود

/

*

\

أوتــــار الحب

يسلموو ][ أوتار الحب ][

يعطيك العافية يارب

نقل رائع

دمتي بخير

تسلمي حبيبتي على هذا النقل
والنعموالله في العتبان والله إني أحبهم
ننتظر جديدك

مع تحياتي :
دلوووعة وكلمتها مسموعة

غدووووره

مشكووورة يالغلا ع تواجدك

دلووووعه

يسلموووووو يالغلا ع مرورك