أبي أكتب ....ابي أنحت فنون الشعر لوبـصخور!

/





على هونك ترفق بي ترى قلبـي هديـد الحيـل
دخيلك لا تعذبني كفانـي منـك ظلـم وجـور


شربت المر من عشقك .. جبرني لين ذقت الويل
تجرعته غصب عني تجرعته وأنـا مجبـور


رضيت بخيرك وشرك وشلتك في عيوني شيـل
تركت العالم وجيتك وشربت الحب كالمسحـور


زمان اول ترحبي وتهدينـي شمـوخ سهيـل
هذاك اول وانت تقول في حبي غريـق بحـور


تناديني وتوعدنـي ولا تعـرف دروب الميـل
وإ ذا اقبل تتبدل من العاشق إلى المغـرور


دروب الهم دلتني ودمع العيـن مثـل السيـل
صدودك زادني حسره وخلاني كمـا المقبـور


ذبحت القلب وفصلت له من اثياب العنـا تفصيـل
ياليت الحال غير الحال والخافق بدون شعـور


كرهت الحب باسبابك كرهت العشق وطول الليل
وإذا بكتب وإذا بشكي ما تكفيني قليل سطـور


لذيذ النوم فارقته وجرح القلـب هـد الحيـل
وهذا الحال من ظلمك بكيته عاشـق ٍ مقهـور


ياليتك يازمن ترحم وتنسينـي همـوم الليـل
وتمسح دمعةٍ هلت وتجبـر خاطـر ٍ مكسـور


أبي انسى .. أبي اقسى وأبدل حالتـي تبديـل
أبي اكتب ..أبي انحت فنون الشعر لو بصخور


وأقول إنك هدمت الحب بالتزييـف والتظليـل
وشيل اللي هدمته و ابتعد عني وانا مسـرور


فمان الله يا خل ٍ عاش الحب معي تمثيل
فمان الله يا جرح ٍ عقب شفته وشفت النـور